على قبري أبي الرحــمة..ترفرف.. تِعــتِلي .. وتْلــوح ..!!

السلام عليكم ورحمة الله وبركاته
،
،

صباحكم/ مسائكم طاع ـه

لـ/ قلوبكم الطاهره .. انتقيت هذه الباذخه ..

،
،

طلبـتـك يالله ياواحد..تِـصَـبِّـر قـلـبـي الـمـجـروح
طلبتـك تـرحـم دموعي..وتبـعـد حـزنـي وآهـاتـي

أنا ادري انه..على بابــك..أكيد ان الرجـــا مسمـــوح
وقفـت بخشيـتـي وذلـي..لاجـل تمـحـي لــي زلاتــي

أنــا بــي هــمِّ ذابحني..وقـلـبـي بـالالــم مـفـضـوح
رجيتـك تنتـزع همـي .. تزيحـه مـن وسـط ذاتــي

أنـا مـن جـور مافيني..مليـت ارضـي دمـوعُ ونـوح
لـوِ انِّ الصخـرِ يسمعني..بكـى مـن كـثـر ونـاتـي

أحـس ان العنـا أصبح..علـى بابـي يـجـي ويــروح
مشـاويـر الـحـزن والهم..بـهـا طـالـت مسافـاتـي

تعبت أمشي وســط دنيا بـها الخــافق غدا مذبــوح
تعبت اظهِر فـرح زايــف..وانا تخــنقني عبــراتـي

ياربي هو كـذا عـــمري..قضيتـه فـي لعـب ومـزوح
قضـيـتـه دون مـاادري..غـريـقـة فـي مـلـذاتــي

ياربـي قبـل ماارحل..وتنـزع مـن حشـاي الــروح
أبــي تغـفـر لــي ذنوبي..تِـجـاوَز عــن خطـيِّاتـي

وابي لامن غدا جسمـي وسـط ذاك الثـرى مطــــروح
تونـس وحـدتـي وضيقي..تيـسـر لــي حسابـاتـي

على قبري أبي الرحــمة..ترفرف.. تِعــتِلي .. وتْلــوح
وابـي لامِـن قِضـى عمري..يِطيـب بْصافـي نيـاتــي

وابي من بيــن طيــات الكفــن ريـح الفضيــلـة يفـوح
أبــي دمــع الـنــدم فيني..يـطّـفِّـي حـــرِّ جـمـراتـي

وداخــل جنـتـك يارب..تعَـلِّـي لــي قـمــم وصـــروح
وتجـعـل زيــن افعالي..تنـيـر سـطــور صفـحـاتـي

أنـــا جيتــك..وانا لغــيرك..بذنــبي مانويـت آآآآبــوح
أبـــي أنـــوار غفرانـك..دلـيـلـي فــــي مـتـاهـاتـي

،

اطيب التحايا