Lost City
عانقت جدران مدينتنا
عطر قدومك ... وتزيّنت
مساحاته بأعذب عبارات الود والترحيب
اذا كنت واحدا من سكانها فتفضل بالدخول اليها فهي بانتظارك
و ان كنت زائرا جديدا توجه نحو مكتب التسجيل و خذ مفاتيح بيتك
لتتعرف على جيرانك و اذا حصل و ضعت في مدينتنا الجا الى مكتب الاستعلامات
نرجو لك قضاء وقت ممتع
بمنتديات LOst ciTY

Lost City


 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 خايفة من حماتها اللي تتأمر عليها عشان جابت البنت

اذهب الى الأسفل 
كاتب الموضوعرسالة
Mew Pudding
ساكن مشارك
ساكن مشارك
avatar

الجنس الجنس : انثى
عدد المساهمات عدد المساهمات : 749
نقاط نقاط : 8384

مُساهمةموضوع: خايفة من حماتها اللي تتأمر عليها عشان جابت البنت   الأربعاء 23 يونيو - 7:35

في مثل كنت بسمعه زمان من ستي ، هاد المثل بيحكي : ”
اللي بتجيب
البنت
بتجيب الولد” ، طبعا انتو أكيد سمعتو فيه ، يعني هاد بينحكى
لمّا المرأة ” تظرلها” بنت قصدي الله يعطيها بنت ، بتسير
حماتها
تلطم على ” زداغها” قصدي على خدودها تقول كإنو جابتلها قردة
بعيد عنكم ، والكنة بتكون خايفة من
حماتها
عشان جابت
البنت
وما جابت الولد ،
تقول لو جابت الولد بده يحرر
فلسطين.. الله يرحمك يا ستي أبصر شو عاملة بقبرك.

الموضوع مش موضوع ستي ، المهم من المعروف إنه ” المجتمع الغزاوي” مليان
بهاي الظواهر المتخلفة اللي مش عارفة كيف بدنا نفك عنها ،
ومش بس بغزة بكل مكان ، بس بغزة ” حدث ولا حرج” لإنو الغزّيين ما بحبوا
البنات نهائيا ، ولما الواحد بتجبلوا مرته بنت بتلاقيه ” مبوّز” وضارب بوزه
100 شبر ووجهو بيكون أسود أسود زي ” قاع الطابون” بالزبط.. الله يرحمك يا
ستي أبصر شو عاملة بقبرك.

الموضوع مش موضوع ستي ، المهم الكنة المسكينة يا حرام بيكون ” مقطوع خلفها”
من الخوف ، أصله بتكون خايفة من ” مقصوفة الرقبة”
حماتها
اللي بتسير
تتأمر
عليها عشان جابت
البنت
وبتسير عدوتها كمان عشان
جابت
البنت
، إنو أنا مش فاهمة يعني هو في ايد المرأة إنو تجيب بنت ولا
تجيب ولد؟ وبعدين لو كلهم بيخلفوا ولاد كيف الرجال بدهم يتجوزرا؟ بيتجوزوا
بعض يعني؟.. الله يرحمك يا ستي أبصر شو عاملة بقبرك.

الموضوع مش موضوع ستي ، المهم هلأ بيجي دور ” المجاكرة” ، يعني لمّا الوحدة
بيكون عندها سلفات وكل هدول السلفات جايبين ” ولاد” وهي بتكون ” إم
البنات” يعني ما بتجيب إلا بنات ، بيسيروا يجاكروا فيها ويعايروها..
ييييييي كل خلفتها بنات..يييي يا حرام ومن هالهبل هاد.. الله يرحمك يا ستي
أبصرشو عاملة بقبرك.

الموضوع مش موضوع ستي ، المهم الحماة اللي هية إم ” الأرجوز” قصدي إم
الزوج بتسير تحكي لإبنها : عيني عليك يما كل خلفتك بنات.. يما يا حبيبي..
خليني أدور إلك على عروس وأجوزك عشان
تجيب ولد.. لازم يكون عندك ولد يحمل إسمك يما ، وهو زي ” الهبايل” بسمع
كلام النسوان ، أنا عندي الزلمة اللي بيسمع كلام النسوان بيكون ”
هَلس مهلس” لإنو ما بيجي من وراهن غير خراب البيوت .. الله يرحمك يا ستي
أبصر شو عاملة بقبرك.

الموضوع مش موضوع ستي ، المهم اللي بدي أحكيه إنو
اللي
بيجي من الله يا ما أحلاه والواحد ” يمزع” إيده بوسة وجه وظهر
لإنو في ناس ” مزطمة” يعني لا بتجيب بنات ولا بتجيب ولاد.. فكركوا ستي شو
عاملة بقبرها؟

الله يرحمك يا ستي.. بعرف إنو الموضوع مش موضوع ستي.


في ســــماء شوبيتس من جديد
و سألمع أكثر هذه المرة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خايفة من حماتها اللي تتأمر عليها عشان جابت البنت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Lost City :: أنا امرأة :: بيتك-
انتقل الى: